Phone:
946 27 52 27
Email:
udala.ea@bizkaia.org
Goazen hondartzara
EGIN>Goazen hondartzara
Ean zure oporraldian gozatu nahi duzun hondartza estiloa aukeratu ahal duzu. Naturaren oparotasuna begi bistan dago kostako herri honetan. Itsasoaz modu lasaian gozatzeko aukera dago, eroso, herrian bertan, edota modu “basatiagoan” eta naturalagoan. Erdigunean kokatutako hondartza eta Natxitua edo Eako Lapatzak, natura ondarea osatzen dute.
EAKO HONDARTZA
Erdigunean kokatuta, portuaren ondoan, Eako hondartza ondo ekipatuta dago. Honako zerbitzuak eskeintzen ditu: Sorosleak, dutxak, komunak, aldagelak, paperontziak, bizikletak gordetzeko, iturriak edota umeentzako jolasgunea. Gainera, paseatzeko guneak ere badaude eta tabernak eta jatetxeak inguruan.
Hondartza honek Bandera Urdina lortu du, Ingurumen Kalitatearen Nazioarteko Ziurtagiria, hain zuzen ere.
Jesar zaitez harrizko barandan eta momentuaz gozatu.
EAKO LAPATZA
Olatu bortitzek ematen diote forma harrizko senaia eder honi. 140 metroko luzera du eta 30 metroko zabalera. Naturaz gozatzeko gune “basatia”. Benetan ederra da bertara heltzeko jarraitu behar dan bidezidorra.
Ekipamendurik ez dauka.
NATXITUKO LAPATZA
Harrizko hondartza da, landaretza eta basoz beteriko mendiz inguratuta. Lasaitasuna bilatzen dutenentzako senaia ezin hobea da eta oso estimatua urpekaritza praktikatzen dutenen artean. Bertara heltzeko Aldebaster auzobidea hartu behar dugu.
Ez dago ekipamendurik, beraz inguru naturalarekiko arduratsuak izatea ezinbestekoa da.
OGELLAKO HONDARTZA
Hareazko eta harrizko hondartza basati apartekoa. Marearen arabera txikiagoa edo handiagoa bilakatzen da. Itsasbeheran inguru harritsu zabalak geratzen dira agerian, interes geologiko handikoa den marearteko zabalagunea, hain zuzen ere. Komunak, dutxak, umeentzako jolasgunea, aisialdirako gunea eta aparkalekua inguruan. Udan, sorosleak eta hondartzainak daude.
Hondartza honek Bandera Urdina lortu du, Ingurumen Kalitatearen Nazioarteko Ziurtagiria, hain zuzen ere.
